الهاربة والمذنب بقلم إيمان شلبي
[٣٠/٤ ٣:١٠ م] Emy: اسكريبت 🖤 بقلمي إيمان شلبي 🖤
-مفيش خروج من البيت بالمنظر ده
كنت واقفه قدام المرايه بحط روج وبظبط نفسي عشان خارجه وفجأه سمعت صوته اللي بيعصبني وهو بيقولي الجمله اللي خلت الدم يفور في دماغي
لفيت وانا برفع حاجب وبنزل التاني :
-افندم؟!
ربع أيده في بعض وعمل زي وهو بيبصلي بابتسامه بارده :
-زي ما سمعتي مفيش خروج بالمنظر ده
-ده ليه بقي أن شاء الله!
بعدني من قدام المرايه وهو بيعدل هدومه ببرود :
-عشان انتي مش متجوزه كيس جوافه
رديت بعصبيه :
-متنساش انك متجوزني غصب عني واني مش موافقه علي الجوازه المطينه ديه
هز رأسه بتأكيد وهو بيلف وبيبصلي :
-مش ناسي ،بس برضو متنسيش أننا قدام الناس كلها زي اي اتنين متجوزين
اخدت نفس عميق وانا ببصله وبجز علي اسناني :
-وماله منظري بقي يا استاذ زياد ؟
قرب مني خطوه علي آثرها رجعت لورا بخوف وتوتر وانا ببلع ريقي
-ا أنت بتقرب كده ليه ؟
وقف قدامي وخرج منديل من جيب الجاكيت بتاعه وهو بيمدلي أيده
بصيتله باستغراب :
-اعمل ايه بيه معنديش برد شكرا !
ابتسم ابتسامه صغيره وهو بيهز رأسه بيأس وبيقولي بسخريه :
-ذكيه طول عمرك
رفعت حاجبي بغيظ :
-قصدك ايه؟
رد بحزم وحده :
-مش وقته خناق خالص واتفضلي امسحي الزفت اللي انتي حطاه ده
رديت بتشنج :
-الروج
-ايوه الزفت
-مش همسح حاجه انت اصلا ملكش حكم عليا و....
قاطعني بهدوء :
-مش بتحكم فيكي يا ميرا كل الحكايه أن شكلك مُلفت بالروج وانا مش هستحمل حد يبص لمراتي بصه مش تمام وحتي لو مش بتحبيني بس انتي في الاول والاخر مراتي
حتي لبسك ده مينفعش انتي مسلمه
الظاهر أن عيشتك برا مع الأجانب نسيتك أن في حاجه اسمها حرام ياميرا !
اتنهدت تنهيده طويله وانا ببصله من غير ما انطق حرف
اصل في الحقيقه كلامه كان منطقي جدا
فركت ايدي بتوتر وانا ببص في كل مكان إلا عيونه :
-طب لو سمحت اخرج عشان اغير هدومي
-حاضر ،هستناكي برا عشان عايزك في موضوع
هزيت راسي وهو خرج وقفل الباب وراه
فتحت الدولاب ووقفت قدامه شويه محتاره البس ايه
وقعت عيني علي فستان صيفي مشجر كنت جيباه من سنتين وملبستهوش غير مره
خرجته ولبسته ولبست عليه جاكيت جينز من عندي ولميت شعري علي هيئه كحكه عشوائيه ومسحت الميك اب
كان شكلي مش عاجبني نهائياً وخاصه اني مش متعوده انزل من بيتي إلا لو كنت متشيكه وراضيه عن شكلي
بصيت لنفسي في المرايه وانا بتنهد:
-ربنا يسامحك يابابا انت اللي ورطتني التوريطه المهببه ديه
خرجت من الأوضه لقيته قاعد علي الكنبه وحاطط وشه في الفون بتاعه
اول ما خرجت رفع وشه وبصلي من فوق لتحت بنظره تقيميه وكأننا في عرض ازياء !
اخدت نفس طويل وقربت منه وانا بقوله ببرود :
-خير كنت عايزني في ايه ؟
قام وقف وقرب مني وهو بيحط أيده في جيبه وبيقولي بجديه
-ممكن افهم انتي ليه بتعملي كده
قفلت عيني نص قفله ورديت باستغراب :
-يعني ايه ؟
-يعني ليه بتعامليني بالطريقه ديه ،انا مفتكرش اني عملت حاجه تخليكي تكرهيني بالشكل ده
رديت بعصبيه:
-لا عملت لما توافق انك تتجوز واحده مش بتحبك عشان شويه ملاليم يبقي عملت
تتنهد تنهيده طويله ورد بهدوء :
-انا مش متجوزك عشان شويه ملاليم
ربعت ايدي وانا برد بسخرية :
-اومال متجوزني ليه عشان جمال عيوني ؟
بلاش كذب بقي أنا سامعه بابا بيقولك تتجوزها وهديك المبلغ اللي انت عايزه
قعد علي الكنبه وبصلي لحظه وسكت وانا واقفه ابصله بغيظ وقرف :
-ها مردتش ليه القط اكل لسانك ؟
-انتي عايزه ايه دلوقتي ؟
-طلقني
رد ببرود :
-لا
-لا!!!
هز رأسه وهو بيبتسم ببرود اكبر :
-مفيش طلاق ياقمر
اخدت نفس طويل وانا بجز علي اسناني :
- بقولك طلقني
ضحك بسخريه وهو بيهز رأسه بيأس:
-بتحلمي
- بقولك طلقني انا مش عايزاك
-وانا عايزك
بصيتله بتحدي وكبرياء :
-ترضي تعيش مع واحده مش طايقاك!
-بكره تحبيني وتموتي فيا كمان
-واخد مقلب في نفسك اوي طب علي فكره بقي انا اصلا بحب واحد تاني
قرب مني وهو بينزل رأسه وبيبص في عيوني بنظرات وترتني وخلت قلبي يتنفض
-كذابه
بصيتله بتحدي اكبر وانا بسحب كف ايده وبحطه علي بطني :
-ده اكبر دليل اني بحب غيرك
أيده اترعشت تحت ايدي ووشه اتشنج وهو بيرد بصوت مهزوز
-ح حامل ؟
شيلت أيده وبعدت خطوه لورا وانا ببتسم بشماته:
-اه حامل من حبيبي و....
قطعت جملتي مره واحده لما ضربني بالقلم وعروق رقبته بارزه
وفجأة مسكني من شعري وهو بيجز علي أسنانه وبيقولي بنبره صوت واطي ممزوجه بتهديد
-هو مين
الدموع لمعت في عيني وانا برد بعصبيه :
-مش هقولك
شد اكتر علي شعري وهو بيصرخ في وشي بجنون :
-بقولك هو مين ؟
غمضت عيني بوجع وانا بهز راسي برفض :
-مش هقولك لو عملت فيا ايه برضو مش هقولك
ساب شعري وبصلي بجمود وهو بيقول بقسوه :
-العيل اللي في بطنك ده هينزل
حطيت ايدي علي بطني وانا بهز راسي بهستريه ودموع
-لا لا مش هيحصل
شدني من دراعي وهو بيقولي بتهديد :
-هيحصل هتنزليه غصب عنك
-لا لاااا لااااا ده ابني مش هخليك تأذي ابني مش هسمحلك ابداً
وفجأة وبدون اي مقدمات خبط راسي برأسه وهو بيقولي بغيظ قبل ما أفقد الوعي :
-مش بمزاجك
معرفش بعد وقت قد ايه
فتحت عيوني بتعب وانا حاسه بصداع بسبب الخبطه
لفيت راسي لقيته قاعد علي كرسي قدام السرير وبيبصلي بملامح خاليه من اي تعبير
حطيت ايدي علي بطني وانا ببصله بدموع :
-ابني
قام وقف وقعد علي طرف السرير وهو بيميل بجسمه بيقرب من ودني وبيهمس بشر :
-نزلته
برقت عيني وانا بهز راسي بهستريه:
-لا لاااا ارجوك لا حرام عليك ليه عملت كده لييييه
شدني من شعري وهو بيصرخ في وشي :
-مين اللي عمل كده انطقي
رديت بتعب وانا بحاول اخد نفسي :
-م محدش ص صدقني محدش
صرخ بجنون :
-اومال حامل من ميييين
عيطت وانا برد بتعب وقهر:
-منك اللي انت قتلته ده يبقي ابنك
خفف أيده من شعري وهو بيهمس بصدمه :
-م مني
قومت قعدت وانا ببصله بقهر ووجع :
-ايوه
بصلي بذهول :
-ازاي حامل ازاي مني وانا وانا ملمستكيش !
حطيت وشي في الأرض ورديت بخفوت:
-ا ا اليوم اللي كنت راجع سكران فيه
-سكران!!
انتي بتخرفي بتقولي ايه انا عمري ما شربت القرف ده انتي اتجننتي
هزيت راسي بنفي ودموع :
-ص صدقني و والله و والله اليوم ده انت مكنتش طبيعي ك كنت بتطوح يمين وشمال و وقولتلي كلام مش مفهوم
ف فضلت تقولي انك بتحبني من زمان و وطلبت مني اديلك فرصه و و ....
وقفت كلام وانا بفرك ايدي بتوتر
-وبعدين كملي!
-و وبعدين حصل اللي حصل
حط أيده علي دماغه وهو بيشد علي شعره بجنون
-ازاي ازااااي انا مش فاكر حاجه زي كده ؟؟
-ع ع عشان ع عشان انا تاني يوم الصبح صحيت قبلك ل لبست ونزلت علي الكليه بعد ما أدركت ا انك كنت سكران واكيد هتصحي مش فاكر حاجه وهتكذبني
اتنهد ورد بهدوء :
-ليه محكتليش
حطيت ايدي علي ايده وانا ببصله بتوسل :
-ا انت منزلتش ابني صح ا انت متعملش كده ا انا عارفه انك م....
قاطعني بهدوء :
-ابننا بخير
ابتسمت بفرحه من بين دموعي وانا بحط ايدي علي بطني وبقول بهمس
-الحمد لله ا الحمد لله يارب
بصلي وقالي بجديه :
-كنتي ناويه تقوليلي أمتي انك حامل ؟
اخدت نفس عميق وانا بمسح دموعي وبرد بتحدي :
-مكنتش ناويه اقولك
قرب وشه من وشي وهو بيجز علي اسنانه:
-انتي تعرفي لو حد مكاني كان سمع الكلام ده منك كان زمانه دفنك مطرحك
بصيتله بكره :
-طلقني
بعد عني وضحك بسخريه:
-ده كان زمان
-يعني ايه
-يعني قبل ما اكتشف انك حامل كنت ممكن افكر في الموضوع انما حالياً انسي ياحبيبتي
مش انا اللي اسيب ابني أو بنتي يتربوا مع واحده زيك متعرفش يعني ايه دين ولا اخلاق
قال كلامه وخرج من الاوضه وانا ببص لآثره بحزن ودموعي علي خدي
يُتبع
#الهاربه_والمُذنب
#إيمان_شلبي
[٢/٥ ١١:٢٨ م] Emy: الجزء الثاني 🖤 بقلمي إيمان شلبي 🖤
"عزيزي زياد من امتلك قلبي منذ الوهله الاولي ،نعم اعلم أن علامات الاستفهام ترتسم الان فوق ملامحك بينما تقرأ رسالتي الاولي والآخيره ،لكن تلك هي الحقيقه والتي خبأتها بين طيات قلبي لسنوات ،انت من أحببته حُباً يكفي لزلزله قلوب العالم أجمع سوي قلبك والذي لم يهتز يوماً، اعلم أنني لم ابوحُ يوماً بتلك المشاعر وانني دوماً ما افتعل المشاكل حتي اجعلك تختنق لتلتف تاركاً المنزل ولكن !
فأنا لم افعل ذاك من فراغ ،فقد استمعت إلي حديثك الدائر مع أبي والذي أخبرته به انك ستوافق علي تلك
الزيجه فقط لتحصل علي الأموال التي انت بحاجه اليها
اخدت نفس طويل وانا بفتكر اليوم ده بكل تفاصيله المؤذيه بالنسبالي
فلاش باك
كنت لسه هدخل لبابا اوضه المكتب عشان اتكلم معاه في موضوع يخصني بس وقفت مكاني اول ما سمعت الجمله اللي خلت قلبي يتنفض
-انا عايزك تتجوز ميرا
-نعم ميرا بنت حضرتك ؟؟
-ايوه يازياد هو في غيرها
رد باستغراب اكبر :
-مش فاهم ليه حضرتك عايزني اتجوزها
رد بغيظ :
-عشان زهقت منها ومن تصرفاتها ،ولا عندها دين ولا اخلاق ولا بتحترمني ولا بتحترم مراتي ولا بتحب اخواتها
-ولما هي فيها كل الصفات ديه عايزني انا البس فيها ليه!
-عشان انت الوحيد اللي انا واثق ومتأكد أن ميرا بتخاف منه
-وده هيفيد بأيه
-هيفيد انك هتتجوزها وتربيها من اول وجديد ،تعلمها الدين وتعلمها ازاي تكون مطيعه وتحترم الأكبر منها
-وانا هستفاد ايه من كل ده
بابا وهو بيميل بنص جسمه وبيبصلي وبيهمس بجديه :
-المبلغ اللي انت عايزه
-بس انا كنت حابب لما اتجوز يبقي واحده بحبها وتحبني
رجع بابا وسند ظهره علي الكرسي وهو بيحط رجل علي رجل وبيرد ببرود :
-وماله الشرع محلل اربعه
-يعني يرضيك اتجوز علي بنتك ؟
-المهم اخلص منها ومن قرفها ،ها قولت ايه ؟
اتنهد وبصله بحيره :
-بصراحه مش عارف انا....
قاطعه بغرور :
-الفرصه بتيجي مره واحده في العمر ولو ضيعت فرصتك الف غيرك يتمناها ،اخر ما ازهق هجوزها اي موظف من عندي برخص التراب لانها مش فارقه معايا ،فكر كويس يازياد ،وبعدين يعني ميرا حلوه حتي لو مش هتحبها ف...
قاطعه زياد بحزم وحده:
-انا موافق بس مش عشان اللي في بالك ،انا موافق لاني محتاج الفلوس
ابتسم بانتصار وهو بيهز رأسه:
-بكره الساعه ٧ بليل تيجي ومعاك المأذون
-تمام والفلوس
-تكتب الكتاب وهكتبلك شيك بالمبلغ اللي تقول عليه
-تمام
باك
مسحت دمعه شارده نزلت من عيوني وانا بكمل كتابه الرساله
تلك الليله عندما استمعت إلي ذاك الحديث انشق قلبي لنصفين حتماً وكأنني سلعه تالفه تُباع بأقل سعر
تلك الليله لم تستطع أن تغفل عيناي من شده القهر وكأن هناك خناجر غُرزت بقلبي
صباح اليوم التالي أخبرني ابي أنني سأتزوج ليأمرني أن اتجهز الليله وكأنني دميه يحركها اينما يشاء
حطيت ايدي علي قلبي وانا بوقف كتابه وبفتكر كلام بابا ليا وقتها وبعيط بحرقه
فلاش باك
خرجت من اوضتي بعد ما لبست ونزلت علي السلم وانا مش شايفه من كتر ما عيوني وارمه من العياط وقله النوم
لقيت بابا ومراته وعياله اللي محدش فيهم طايقني ولا طايق وجودي بالرغم اني حاولت كتير اتقرب منهم لكن كل مره كانوا بيرفضوا وجودي مُدعين قدام بابا أن انا اللي مغروره ومتكبره !!
تجاهلت وجودهم وكنت لسه هخرج بس بابا وقفني
-رايحه فين ياهانم
لفيت وانا برد بتعب :
-الكليه
-لا مفيش خروج
-يعني ايه ؟
ردت مرات بابا بشماته :
-يعني مفيش خروج من هنا غير علي بيت جوزك يامرمر
بصيت لبابا وانا عامله نفسي مش فاهمه الحوار :
-يعني ايه الكلام ده
شرب بوق من فنجان القهوه اللي في ايده ورد ببرود :
-حضري نفسك كتب كتابك بليل
-كتب كتابي ازاي يعني
لوت بوقها بسخريه:
-زي الناس ياحبيبتي هتتجوزي ونخلص منك
-بس انا مش موافقه
-مش بمزاجك
-لا بمزاجي انا استحاله اوافق علي حاجه زي كده
هبد علي السفره وهو بيزعقلي :
-انتي ملكيش رأي وبليل كتب كتابك
قربت منه وانا بقوله بعصبيه ودموع :
-لو مش طايق وجودي انا همشي هروح في أي مكان لكن مش هتجوز واحد مبحبهوش
طبطب علي وشي بسخريه:
-خلاص ياحبيبتي مبقاش في مفر
هزيت راسي بدموع وكره :
-انا بكرهك بكررررهك
-شعور متبادل ويلا غوري من وشي دلوقتي
طلعت اجري علي اوضتي وانا حاطه ايدي علي قلبي اللي كنت حاسه أنه شويه وهيقف من كتر الوجع والقهر
قفلت الباب وقعدت علي الارض وانا بضم رُكبي في بعض وبعيط بحرقه وصوت مكتوم
فوقت من ذكرياتي لما سمعت صوت باب الاوضه بيتفتح
خبيت الرساله تحت المخده وبصيت علي الاوكره اللي كان بيحاول يفتحها وصوت نفسي مغطي علي الاوضه
خبط جامد وهو بيزعق :
-افتحي الباب
اخدت نفس طويل وانا بحاول ارد بثبات :
-ع عايز ايه ؟
-افتحي عايز اتكلم معاكي
قومت وقفت وروحت نحيه الباب وانا بحط راسي عليه وبهمس بحزن
-عايز تقول ايه تاني ؟
سكت لحظه وبعدها رد بهدوء :
-ا انا اسف
ضحكت بسخرية:
-اسف؟
-ممكن تفتحي الباب عشان نتكلم
رديت بعصبيه ودموع :
-لا مش ممكن ولو سمحت سيبني عشان تعبانه وعايزه انام ارجوك
-حاضر بس بس ....
-بس ايه؟
-لو سمحتي سامحيني انا اسف ،م مكانش ينفع اقول كده اعذريني انا بس ...
قاطعته بجمود:
-تصبح علي خير
-ميرا انا ....
-تصبح علي خيررر
اتنهد بحزن :
-وانتي الخير
روحت مره تانيه نحيه السرير وخرجت الرساله وكملت كتابه ودموعي مش راضيه ترحمني
ليله الزفاف وددت لو اخبرك كم احببتك منذ اليوم الأول عملت به كحارس لأبي ،وددت لو اعانقك واختبأ بين ضلوعك لاجهش في البكاء مُخبره اياك أنني ضائعه ،منبوذه بين عائلتي ،اصدقائي ،العالم اجمع ،وددت فقط ان تُبادلني العناق هاتفاً بجمله واحده وانك لن تتركني مثلما تركني الجميع
ولكن !
تذكرت حينها انني مجرد سلعه تُباع وتُشتري بأقل سعر ،لينهض كبرياء الآنثي بداخلي مُطالباً عدم الانصياع لمشاعري
لاكن تلك النسخه التي انا عليها منذ زواجنا !
عزيزي دعني لم أطيل تلك الكلمات والتي اعلم انها مجرد هراء بالنسبه لك
لاخبرك أنني سأذهب اليوم ،لا اعلم اين ولمن سأذهب ولكن قد اتخذت قرار الهروب منك ومن عائلتي ومن الجميع لاتفرغ لنفسي ومن في احشائي أن كانت فتاه او صبي وان كان هناك نصيب اللقاء لاجعلك تقف مذهولاً كيف ربت تلك الفتاه عديمه الدين والاخلاق طفلتها أو طفلها !
خلصت كتابه وقفلت الورقه وانا باخد نفس طويييل وبمسح دموعي وببص قدامي بتحدي :
-من النهارده مفيش دموع تاني خلاص
حطيت الرساله علي الكمود وقومت اتحركت نحيه دولابي وحضرت هدومي وكل اللي هحتاجه
خلصت ورجعت تاني قعدت علي السرير وانا بضم رُكبي في بعض وبفكر بحيره
-ياتري هروح فين
-ياتري لو هربت " زياد " هيقدر يوصلي بسهوله
-ياتري هعيش ازاي لوحدي انا واللي في بطني
الف ياتري والف سؤال وسؤال جه في بالي في الثانيه الواحده مكنتش لقيالهم ولا اجابه
وكأن كل حاجه في الدنيا أصبحت ضدي !
وفجأة جت في بالي واحده صاحبتي
كنت اتعرفت عليها في الكليه ،هي اه كانت أكبر مني بسنه بس كنت بحبها جدا وبحب اقعد معاها
لكن للاسف هي مكانتش من هنا ،اول ما اتخرجت رجعت علي "بني سويف " بلدها
وقتها ودعتها وانا منهاره
مكنتش حابه تمشي وتسيبني
هي الوحيده اللي كانت بتحبني من غير اي مقابل
هي الوحيده اللي كانت متقبلاني بالرغم كل العك اللي كنت بعمله والطيش
كانت بتنصحني بكل حب اعمل ايه ومعملش ايه
كانت اكتر واحده باخد بالنصيحه بتاعتها وانفذها بالحرف
غيرت فيا حاجات كتير جداااا واولهم اني بقيت بصلي
في الحقيقه مش كل فروضي بصليها لكن مفيش يوم بيعدي عليا إلا لو صليت حتي لو صلاه واحده
بقيت متقربه اكتر لربنا وخاصه في الأوقات اللي مكنتش بلاقي حد يطيطب علي قلبي
اتنهدت ومسحت دموعي وانا ببتسم ابتسامه باهته وبفتح الفون بتاعتي وبدور علي رقمها بلهفه
ضغطت عليه وحطيته علي ودني وانا ببص لفوق وبدعي ربنا يكون الرقم زي ما هو
-السلام عليكم
رديت بلهفه :
-وعليكم من السلام ورحمه الله وبركاته ،ا ازيك يارقيه
-بخير ياقمر الحمد لله وانتي
-ا الحمد لله ا انتي تعرفي أنا مين ؟
-ا احم اعذريني ياحبيبي والله الارقام اتمسحت انا اسفه
هزيت راسي بلهفه :
-ولا يهمك ا انا انا ميرا
-ميرا ميرا ميرا احم اعذريني ياجميلتي بس...
-ميرا السيوفي اللي كنت معاكي في الكليه أصغر منك بسنه و...
قاطعتني بفرحه :
-ميرا ايوه افتكرتك طبعا ياروحي
-وحشتيني اوي
-ياروحي وانتي كمان اوي اوي طمنيني عليكي
نبره صوتي اتخنقت بالدموع وانا برد بحزن :
-انا مش كويسه و وكنت محتاجه مساعدتك
يُتبع
#الهاربه_والمذنب
#إيمان_شلبي
[٢/٥ ١١:٢٨ م] Emy: الجزء الثالث 🖤 بقلمي إيمان شلبي 🖤
إمتى كبرنا ... والله م اعرف
ولا دى بلادى ..ولا دى هدومى
ولا ده شكلى .. ولا ده لونى
ولا دى الأشياء.....
اهو لقا ف فراق على لقا ف فراق!
-معقوله مريتي بكل ده ؟
مسحت دموعي وانا برد بصوت مبحوح :
-انا قلبي بيوجعني اوي يارقيه
اخدتني في حضنها وهي بتبوس راسي برقه وحنان :
-لعله خير ياحبيبتي أن الله اذا احب عبداً ابتلاه
فركت ايدي بأحراج :
-ا انا عارفه اني متقله عليكم و....
قاطعتني بعتاب :
-اخس عليكي متقوليش كده ده انتي منورانا
عيوني لمعت بالدموع وانا بحط ايدي علي ايديها بأمتنان :
-شكرا
ردت بمرح :
-ده انا اللي عايزه اشكرك انك جيتي بدل مانا قاعده لوحدي طول النهار وشي في وش الحيطه ،ده السرير بتاعي شويه وهيشتمني من كتر مانا مش بسيبه
الفون بتاعي كل ما يشوف وشي يقول أهي اللزقه جت اهي
ضحكت علي كلامها وهي ضحكت وبعدين اخدتني في حضنها وهي بتطمني
-كل حاجه هتبقي كويسه
-يااارب
-نهار ابيييييض
اتنفضت في مكاني وانا ببصلها بقلق :
-في ايه
شدتني من ايدي باستعجال :
-قومي بسرعه بسررررعه
رديت بقلق وانا ببص حوليا بخوف :
-في ايه
-في صلاه ظهر هتفوتنا يلا بسرعه العصر هيأذن يلا اجري اجرررري
شدتني وخرجنا من الاوضه روحنا نحيه الحمام عشان نتوضي
اتوضينا ولبست إسدال من عندها وصلينا الظهر
اول ما ركعت حسيت براحه متتوصفش في قلبي
دموعي نزلت وانا بشكي لربنا همي وخوفي
بسأله أنه يجبر قلبي ويعوضني خير عن كل يوم اتخذلت فيه من اقرب الناس لقلبي
بسأله يلهمني الصبر اللي اقدر اكمل بيه بالرغم انعدام طاقتي وشغفي للحياه
خلصت صلاه واستأذنت ودخلت الاوضه ونمت
اول ما حطيت دماغي علي المخده نمت علي طول لاني كنت مرهقه من قله النوم والدموع اللي مجفتش من وقت ما هربت من البيت
نمت عشان أهرب من التفكير في زياد وفي بابا وفي كل حاجه حصلتلي وحولتني من ورده مفتحه لورده دبلانه
-انتي فاكره انك ممكن تهربي مني تبقي غلطانه
بصيت لمصدر الصوت لقيته زياد قاعد علي كرسي وحاطط رجل علي رجل وهو بيبصلي بشر وكره
حاولت افك نفسي بس مقدرتش ،كنت مقيده في الكرسي
-فكني يازياد ا ارجوك فكني وسيبني في حالي
قام وقف وقرب مني وهو بيميل نحيتي وبيبص في عيني وبنبره كلها تهديد
-انا حالك ،لو فاكره اني هفوتلك عملتك ديه تبقي غلطانه
صدقيني ايامك اللي جايه كلهااا سواد
وبص علي بطني وهو بيبتسم ابتسامه مخيفه خلت قلبي يرتجف
-وبالنسبه للي في بطنك انا مش عايزه وهتنزليه غصب عنك
هزيت راسي بهستريه ودموع :
-لا لا ابني لا عشان خاطري ابني لا يازياد وحياه اغلي حاجه عندك ابني لا لا لا لا
-ميرا ميررررا
-لا يازياد لا متموتش ابني لا
-ميرا حبيبتي فوقي ميرا ميرا
اتنفضت من مكاني وانا بتنفس بسرعه وببص يمين وشمال بخوف والعرق متكون فوق جبيني وانا بهمس بخوف
-ابني
رقيه بشفقه :
-ابنك كويس انتي كنتي بتحلمي؟
اتنهدت براحه وانا بحاوط بطني :
-الحمد لله
بصيت لرقيه والدموع بتلمع في عيني:
-كان حلم بشع اوي يارقيه اوي
-استعيذي بالله من الشيطان الرجيم ياحبيبتي ده عقلك الباطن بس عشان بتفكري في الموضوع
-تفتكري
-اكيد
-يعني زياد مش هيلاقيني ويخطفني ويقتل ابني
سكتت لحظه وهي بتبصلي ببلاهه
-رقيه رقيييه
حطت ايديها علي جبيني باستغراب :
-انتي سخنه
-لا ليه
-يعني بالله مش سخنه او عبيطه
-ليه طيب
رديت بغيظ:
-يخطفك ايه ويقتل ابنك ايه انتي متجوزه زعيم مافيا
الروايات لحست مخك يابت !
بصيتلها بعتاب وانا بتنهد وبسند راسي علي السرير:
-انتي بتتريقي يارقيه
ردت بلهفه :
-لا والله بس يعني
اصل انتي تفكيرك غريب مش معقوله يعني جو الافلام الهندي ده
حتي لو زياد عرف مكانك وقتها عمره ما يقدر يلومك لأن اي حد مكانك كان هيعمل كده واكتر من كده كمان
بصيتلها بحزن :
-بس بابا ومراته واخواتي اللي محدش فيهم بيطيقني ممكن يعملوا اكتر من كده
حطت ايديها علي ايدي وهي بتقولي بهدوء :
-متقلقيش ربنا مش هيسيبك
رفعت راسي لفوق وانا بهمس بقلبي قبل لساني :
-يارب
-استأذنك انا بقي عشان نازله
-رايحه فين
-عندي درس في الجامع
-انتي بتحفظي قرءان ؟؟
-بحفظ وبحضر دروس
-دروس ايه
-بتتكلم عن الدين وعن الانبياء وعن الابتلاءات
بستفاد جدا منها وبتعلمني ازاي اكون صبوره وازاي احمد ربنا طول الوقت حتي لو اللي بيحصل مش علي هوايا
فركت ايدي بتوتر وانا ببلع ريقي :
-ه هو انا ممكن احضر معاكي ولا ممنوع
ردت بفرحه :
-ممكن طبعا يلا بينا
بصيتلها بأحراج :
-بس في مشكله
-مشكله ايه؟؟
-ا احم ا انا معنديش لبس مناسب للمسجد و و يعني ا انا مش محجبه
ابتسمت ابتسامه صافيه :
-لو علي اللبس ف البسي اي حاجه من عندي والبسي فوقيهم حجاب لحد ما نخلص وبعدين اقلعيه تاني
-هو الحجاب فرض؟
-طبعا ربنا سبحانه وتعالي بيقول
بسم الله الرحمن الرحيم
"وقل للمؤمنت يغضضن من ابصرهم ويحفظن فزوجهن ولا يبدين زينتهم إلا ما ظهر منها وليضربن بخمرهن علي جيوبهن "
صدق الله العظيم
-رقيه انا عايزه اتحجب
ابتسمت بفرحه :
-بجد؟
-اه عايزه ابقي زيك
-عشان ايه؟
بصيت قدامي بشرود وانا بفكر في اجابه لسؤالها
ياتري انا ليه عايزه اتغير؟
رديت بتوهان:
-مش عارفه
مسكت ايدي وهي بتبصلي بأصرار:
-لا لازم تعرفي !
انتي عايزه تتغيري عشان نفسك وعشان البيبي اللي في بطنك يتربي تربيه سليمه ويكون شخص صالح في المستقبل
ولا عشان تثبتي لأهلك وزياد انك مش زي ماهما بيقولوا عليكي
ولا عشان ترضي ربنا اللي اهم من كل دول !
بصيت قدامي وسكت لحظه افكر فيها وبعدين بصيت لها تاني وانا بسألها بحيره
-هتصدقيني لو قولتلك عشان كل الأسباب ديه !
هزت راسها بتأكيد:
-هصدقك وهشجعك
مسكت ايديها وانا بضغط عليها بأمتنان :
-شكرا انا فعلا ربنا بيحبني عشان رزقني بصاحبه زيك
شدتني لحضنها والدموع بتلمع في عينيها :
-انا بحبك وبعتبرك اختي
-تعرفي؟!
لو زياد بس كان قدر يفهمني ،لو اتكلم معايا بهدوء من غير أوامر وشخط ونطر مكانش كل ده حصل
بعدت عنها وانا ببصلها بدموع :
-والله العظيم كنت مستعده اتغير عشانه عشان بحبه وعشان انا اصلا مش عاجبني نفسي و نفسي اتغير
انا بس كنت محتاجه الايد اللي تتمدلي
انا ا انا لما كنت عايشه في امريكا مع ماما الله يرحمها مكانش بيعجبني تصرفاتهم
دايما كنت بهرب من اي بارتي واي تجمعات فيها اختلاط ،ك كنت بصلي كل ما الدنيا تضيق بيا ،
منكرش طبعا اني كنت بلبس لبس مش كويس وبعمل حاجات كتير غلط ب بس بس والله العظيم انا اتغيرت يارقيه ا انتي غيرتي فيا حاجات كتير جدا ،كنت باخد النصيحه منك وبعمل بيها بالحرف وبدون نقاش
كان نفسي زياد يحبني ويتقبلني وياخد بأيدي بس هو معملش كده هو اشتراني بالرخيص
عيطت بتأثير وهي بتاخدني في حضنها :
-حقك عليا
انفجرت في العياط وانا بقول كلام مش مفهوم وحاسه قلبي هيقف من كتر الوجع لحد ما خلصت
بعدتنني عنها وهي بتمسح دموعي وبتبتسم برقه :
-يلا نلحق الدرس
هزيت راسي وانا بمسح دموعي :
-يلا
-ثواني هجبلك حاجه تلبسيها
جابتلي دريس من عندها وخمار وعلمتني ازاي البسه
بعد شويه كنت واقفه قدام المرايه مبهوره بشكلي
رقيه وهي بتحط ايديها علي بوقها بانبهار واعجاب :
-اللهم بارك زي القمر
ابتسمت وانا بلف وبرد بفرحه :
-مكنتش متوقعه اني هبقي حلوه كده
-لا بقي انا كنت متوقعه وحقيقي الخمار زادك جمال فوق جمالك
ابتسمت بخجل وانا بلف مره تانيه وببص علي نفسي بنفس الانبهار والإعجاب وكأني بكتشف شكلي للمره الاولي !
-مش هنروح الدرس
-بصراحه كده هو المفروض الدرس كان من ساعه
-بتهزري !
-للاسف
رديت بحزن :
-انا اسفه خليتك متروحيش
-ايه يابنتي العبط ده متقوليش كده
-ربنا يديمك ليا
-ويديمك ليا ياقمري
فات يوم ورا التاني ورا الثالث ،فاتت ايام كتير جدا وانا قاعده مع رقيه واهلها اللي حبوني وكانوا احن عليا من أهلي بالمعني الحرفي
بعد مرور ست شهور
-يلا ياميرا عشان نتغدي
رديت بتعب :
-مش قادره
-مالك وشك اصفر كده ليه؟
-تعبانه ااه تعبانه اوي
ردت بقلق :
-حاسه بأيه طيب؟
حطيت ايدي علي بطني ورديت بصعوبه:
-ب بطني ب بطني بتتقطع مش قادره
رقيه بقلق :
-طب اعمل ايه اجبلك دكتور طيب
صرخت بوجع:
-ااااااه الحقونييي
صرخت بأعلى صوتي لدرجه البيت كله اتجمع في الاوضه بقلق
ام رقيه بتوتر :
-ميرا شكلها بتولد
رقيه بصدمه:
-ايه ديه في الشهر السابع
-احنا لازم نوديها المستشفي فوراً
لبست هدومي بمساعدتهم وروحنا علي المستشفي وانا بصرخ من الوجع
-اااااااه
حطوني علي سرير متحرك وهما بيجروا بيا علي اوضه العمليات
-اااااه يارب يااارب زياااد تعالي الحقني يازيااد اااااه اهئ يارب زياااااد
-ميرررا
بصيت علي الباب لقيته واقف وهو بينهج بتعب والعرق متكون فوق جبينه
في نفس اللحظه كان البنج بدأ يأثر عليا وبدأت عيني تقفل
همست بتعب:
-زياد
جري نحيتي وهو بيقعد علي ركبته قدام السرير وبيبوس ايدي بندم :
-انا جنبك ياحبيبتي
غمضت عيني وغيبت عن الوعي وانا بتمني يكون اللي حصل ده حقيقه مش مجرد خيال صوره عقلي !
-ميرا
فتحت عيوني ببطئ وتعب وانا بلف راسي لمصدر الصوت
-ميرا انتي سمعاني
-زياد
-حمدلله علي سلامتك
عيطت بخوف:
-ا ارجوك م متأذيش بنتي ا انا تعبت اوي عشان تكون هي بخير انا....
-هششش اهدي اهدي صدقيني انا مش هأذيها انا بحبها
رديت بسخريه:
-بأماره انك كنت عايز تقتلها
-عمري ما كنت هعمل كده
بلعت ريقي بصعوبه :
-ا انت عرفت مكاني منين
-رقيه
-من أمتي
-من تاني شهر ...انا كنت جنبك طول الوقت
نبره صوتي اتخنقت بالعياط :
-لا انت مكنتش جنبي في اكتر وقت انا كنت محتاجه وجودك ا انا
مسك ايدي وباسها بدموع :
-انا اسف سامحيني
-انت عاوز مني ايه
-عايزك تسامحيني وتديني فرصه أصلح اللي حصل
-بس انت مش بتحبني
-مين قال كده
-انت قولت كده لبابا
-لا انا بحبك
-متكذبش علي نفسك وعليا
-صدقيني والله انا بحبك
-ازاي وامتي
-من زمان ..من يوم ما شوفتك وانا قلبي بيحبك
حاولت كتير ابعد عشان بيئتك غير بيئتي مستواكي غير مستوايا
حاولت محبكيش بس مقدرتش
من يوم ما اتجوزنا حاولت اتقرب منك بس انتي اللي كنتي رافضه ،انتي اللي طول الوقت بتخلقي مشاكل
بس لما قريت الرساله عرفت أسبابك وعذرتك ،صدقيني انا متجوزتكيش عشان الفلوس انا فعلا بحبك
اقولك علي حاجه ؟
انا مأخدتش فلوس من باباكي
حطيت وشي في المخده وانا بعيط بصوت مكتوم ...
-ميرا ارجوكي كفايه عياط ،طب مش عايزه تشوفي بنتك
رفعت وشي بلهفه :
-بنتي
قام وقف وخرج برا وثواني ودخل تاني وهو شايلها بين ايديه
قربها مني وحطها جنبي علي السرير ..
بصيتلها كانت مفتحه عينيها وبتبصلي ببراءه
مسكت ايديها وانا ببتسم من بين دموعي :
-حمدلله علي سلامتك ياقلب ماما
قعد علي الكرسي وهو بيمسك ايديها التانيه وبيبصلها بحب:
-هتسميها ايه
رفعت وشي وانا ببصله بحزن :
-سيلا
ابتسم بحنان:
-حلو أوي
مردتش عليه انما بصيت لسيلا وانا بتكلم معاها
-انا مش هعتبرك بنتي ،انتي بنتي واختي وصاحبتي وكل ما ليا
سكت لحظه وبعدها اتنهدت وانا بكمل بصوت مبحوح
-انا دلوقتي مليش غيرك
مسك ايدي وهو بيقعد علي ركبته قدام السرير :
-وحياه سيلا تسامحيني ،اللي بيحب بيسامح
رديت بعتاب :
-هسامحك بس عشان سيلا
-يعني مش عشان بتحبيني؟
-توء توء عشان سيلا
باس ايدي برقه :
-حمدلله علي سلامتكم
-الله يسلمك
-بالمناسبه شكلك حلو اوي في الخمار
ابتسمت بخجل :
-بجد؟
-بجد طبعاً ،وصلتي الجزء الكام في القرءان!
-انت عرفت منين اني بحفظ ؟
-عرفت كل حاجه من رقيه
-اه ياواطيه
-بالعكس هي بتحبك جدا ،وكل تغير في حياتك كانت بتقولي عليه عشان تثبتلي انك احسن مني في حاجات كتير
-وياتري ممكن ابقي ام كويسه ولا لسه شاكك اني معنديش دين ولا اخلاق ؟
ابتسم ورد بهدوء :
-انتي هتبقي احسن واجمل واحن ام في الدنيا
-متأكد
-طبعا
-كان نفسي تكون جنبي وتعيش معايا كل لحظه في الحمل
بصلي بندم وهو بيتنهد:
-ان شاء الله تتعوض
-ان شاء الله
-ربنا يخليكم ليا
ابتسمت ورديت بحب:
-ويخليك لينا
ازعلي مني
اغضبي ثوري
اثبتي موقف
اهتفي بصيلي وواجهيني
انما تختفي من أيامي
يامرور الدم ف شراييني
يبقى اسمه كلام ؟
حقك على عيني يانور عيني
يارفيقة مشواري الدايمه
حقك يانجومي اللي بشوفها
يامراكبي اللي بحِسك عايمه
بتأسفلك وانتي لوحدك اللي انا ف الدنيا اتاسفله .
تمت
#الهاربه_والمذنب
#إيمان_شلبي